薑家小窩窩

30 May 2011 (Mon)

昨晚較咗酒店鬧鐘,但唔知點解六點幾就嚮,我明明較九點喎~整晚都好好瞓,我哋十點起身,之後就去酒店三樓嘅自助早餐

掛住落去兩個都冇帶相機,餐廳環境唔錯,仲有outdoor座位,不過我哋都係揀返坐入面,食物種類都幾多,又有唔同款蛋糕,好正!

食飽再上返房執拾好,就落泳池影相,本應想帶泳衣游水,但執袋時已好重,所以最後決定唔帶,但當我哋去到泳池時,我就有D後悔冇帶喇~

搭專車返到新濠天地,時間差不多就入場

一坐低.....大家都話點解B區個位都咁前架!?第四行呀!一早知道坐得越前越濕身,好驚囉~第一眼見個場地,一大個水池,好特別,好期待一陣嘅演出

八點正正式開場,我亦準備相機影多d相

29 May 2011 (Sun)

出發喇~我哋book咗中午一點鐘船,石田唔想太早起身所以揀呢個時間,我十一點幾就出門口搭車出上環,九個字倒就出到去,見石田未到就去零食物語買嘢食,哈!心情真係好有渡假feel

差唔多一點就上船

期待已久嘅澳門之旅終於出發

呢個兩日一夜嘅行程我同石田已經由三月開始計劃架喇~一直都夾唔倒時間成行,終於呢個五月尾可以成事

同石田對上一次去旅行已經係兩年前嘅韓國行,上一年全年攪間屋都冇出過去玩,所以今次呢個短trip對我黎講係好期待又興奮

今次我要名為呢個trip係<喪食喪hea澳門之旅>,好明顯我哋係好放縱嗰隻,因為呢大半年返工真係返得幾辛苦(精神上),所以真係好想去超級放鬆一下

就係咁酒店方面緊係要最好啦~不過揀酒店就同石田有D分歧囉~佢想住Grand Hyatt,因為方便睇水舞間,而我首選係Sofitel Ponte  16,但呢間喺澳門半島嗰邊,所以一早放棄,第二心水係Four Seasons,喺正新濠天地對面,都係比Grand Hyatt  貴百幾蚊,不過最後我都係聽石田講住返Grand Hyatt