薑家小窩窩

我哋差不多用咗大半日時間喺小鎮大街影相,連一樣遊樂設施都未玩過,所以就快快去咗小小世界先

其實入到去都係坐住船仔,慢慢欣賞世界各地特色,整得都幾靚嘅,我仲拍咗片段

12月6日~今日終於可以同國皇慶祝結婚週年紀念

之前一路都忙間屋d嘢,都冇時間諗去邊好,本來想過澳門瞓一晚同睇水舞間,但國皇唔想掉低麼囡一個喺新屋,所以過夜唔得,又諗住去一日,但唔跟酒店package買,又訂唔倒水舞間飛,最後決定放棄澳門

第二個想去就係廸廸尼,唔知點解一到聖誕就好想入去,加上今年有部E-PL1,就更加想入去影相,國皇仲買咗個轉接環,咁我部PEN都可以用國皇d鏡頭喇~

又一早起身,今次唔坐鐵路去,因為路程轉折d,由市中心坐機場巴士到青馬收費廣場轉R8直到廸廸尼,一入到園區就開始排隊影相,第一個係Duffy熊仔,記得兩年前去東京Disney Sea,都係呢隻熊仔做主角,今年就喺香港相聚

過咗生日成個星期,都冇時間寫返日誌

上星期三又到自己生日大日子,當然準備咗節目啦~就係去坐360,我同國皇未夠八點已經起身喇!因為要去搭九點班船去東涌,不過前一日工作上有d唔開心,影響倒自己心情,所以懶懶閒咁妝身

我哋先坐輕鐵去屯門碼頭,去到時九點班船剛開咗,而下一班要兩個鐘後,咁我哋就去食個早餐先喇~成個早餐慢慢嘆,食完喺周圍行一陣,十點九準備上船,隻船好細但都有兩層,我哋當然坐上層睇風景啦~