薑家小窩窩

今次真的很滿意這間酒店,早在報團時已鎖定要入住長隆第二期酒店,因為09年2月才開幕,總覺得大陸酒店越新越早入住比較好,而這次賣點是酒店內都可欣賞動物

我們選擇了狩獵房,如高一級便是野趣房,選擇前看過不少網友相片,狩獵房也很不錯,而每一個房間也有露台,可惜編給我們樓層很低,浪費了這個特色

一內進空間感很充裕

6 Dec 2009  Day 2 (Part 3)

離開百萬葵園,三時許便到廣州最後一個景點<南沙天后宮>

這裡面向海旁,周邊環境也不錯,我們都是參觀看看,拍照留念

6 Dec 2009  Day 2 (Part 2)

大約十二時半到達<百萬葵園>,這裡主要是看看花卉,這張相真的太假了

進入園內每位遊客都有贈品一份,女的有薰衣草雪糕一客,男的有薰衣草香包一個,之後便是自由活動,雖然這裡不是那麼漂亮,但都是一個拍照好地方,整個園內也看見不少新人拍婚照

6 Dec 2009  Day 2 (Part 1)

原本是七時半morning call,但我和國皇也想在酒店附近拍多些照片,所以提早一小時起床,裝好身便吃早餐,早餐地點是第二期酒店的會展中心內,昨晚導遊已告知怎樣前往,但我倆也不太記得,國皇看看指示,試著找找

先走到另一座樓層,一個人也沒有,走出花園再直行,這處可看見酒店大門口

5 Dec 2009  Day 1 (Part 4)

導遊說因大馬戲的票是沒有畫位的,所以要預多一些時間排隊,而大馬戲七時半開始,所以未到七時便排隊入場,其實這不算是排隊,所有人都迫作一團,有點混亂迫呀迫就迫到入去了,很多人都用跑的去找位子,弄得我們都心急起來,幸好我們跟另外四位團友都找到個中上位置

一坐下,看見前方掛了數個造型公仔,正正擋著大家視線,我倆和團友都說,馬戲開始應該會收起來吧有點疑惑.....

等到七時十多分,台上有個聖誕老人出場,扮演吹Saxophone

5 Dec 2009  Day 1 (Part 3)

坐完小火車後,我們便向途步區遊覽,小火車等候處側就有一個鸚鵡拍照區,每一隻都很漂亮

第一處要看是年幼的動物,這隻小猴子睡得多甜,我有懷疑過牠是假的還有老虎仔,有一隻不時把腳踏上其他老虎面上,但又沒反應,看見牠們睡作一團,好可愛

5 Dec 2009  Day 1 (Part 2)

一時半到達長隆,團裡面只有兩組團友選去玩機動遊戲,旅遊車先載他們到歡樂世界,然後就到動物園

這是北面大門口

5 Dec 2009  Day 1  (Part 1)

今早跟上星期一樣,都要清晨五時半起床,七時到達尖沙咀上車

裝好身六時半出門,到了集合地點,領隊點過名後,我和國皇便去麥當當買早餐,上車慢慢吃

當決定去長隆後,就搵團啦!不過上網見好多人都係買package自己去,好似都幾方便咁,但我向來對大陸都驚驚哋,今次又唔想諗行程,最好舒舒服服咁去玩兩日,跟團係最好喇!

諗得跟團緊係想全包啦~唔洗煩嘛!通常睇團第一間就係永安,唔係覺得佢最好,只係慣性吧了!初睇倒一團唔錯,真係全包,幾日後就出老旺行吓旅行社,問咗永安、康泰、美麗華,後兩間都要自費馬戲,比較過永安真係最好,全包+入住長隆第二期新酒店,最重要價錢最合理,返到屋企同國皇商討(其實係會報先啱,佢都冇意見),好快就決定報永安喇~

呢團就係:番禺長隆歡樂世界/香江野生動物園、長隆大馬戲、百萬葵園『薰之戀』、南沙天后宮【金牌土茯苓龜湯宴、葵花雞宴、番禺真味宴】二天精彩之旅 (GGK02E) 個名勁長

我哋選擇咗動物園,因為而家我真係唔敢再玩d太刺激嘅機動遊戲 ,同國皇講時,佢都幾想睇吓動物,仲問我有冇睇過長頸鹿,好似細個返大陸真係有見過,喺香港真係睇唔倒呢~

又一年冇同國皇出去玩吓,雖然今次只得兩天,但心情都好期待,不過唔知今次會唔會又"賴"嘢呢?

仲有一日又到一年一度嘅結婚週年喇~每一年我都希望可以出去玩吓,住返晚酒店搵返蜜月時嘅感覺,今年就返大陸去

10月尾開始諗今年結婚週年去邊好,初頭諗咗去坐360,喺東涌食buffet連住一晚酒店,仲連房都book埋,後來計吓條數,咁嘅價錢可以返大陸玩兩日喎!就係咁又去搵d大陸團睇吓

一開始搵都冇咩頭緒,心目中淨係想行吓食吓嘢,自在住返晚酒店,國皇諗起東部華僑城,我又記得Yihmei去過,就睇吓呢個景點,都幾多嘢玩同景睇,又有小火車同纜車坐,都幾吸引,問Yihmei意見,佢話自由行仲方便,但我唔想自己去,可能少返大陸,硬係覺得唔安全,再睇吓d團,一個人都要差不多一千蚊,就先放喺考慮之列啦~

Yihmei再提議咗一團,中山遊,勁勁勁平,仲有得住五星,佢上次出過呢團覺得超抵玩,可惜做到11月,之後比我搵倒另一團中山,有溫泉浸、住五星、船去船返、全包餐,都係六百倒一個人,好合乎我嘅要求,點知國皇話佢唔鍾意浸溫泉喎! 玩嘢咩…同你去咁多次旅行都浸過溫泉,而家同我講唔鍾意浸…… 就係咁又再搵其他選擇喇~

最後睇長隆,之前見有d朋友去過都話好玩,個馬戲又話好睇,都有d信心保證,睇咗幾團,永安最好,全包餐、包入場費同馬戲,住最新長隆第二期酒店,一千倒一個人,咁睇比華僑城每人多二百蚊,好似行程豐富d,再search吓blog,見住過新酒店間房好鬼大,又有露台,見到d相都已經吸住咗我,再問國皇,佢都幾有興趣去動物園,至少唔洗佢浸溫泉