不經不覺搬咗入黎已經半年喇!住落咗都冇咩嘢,幾舒服
唯一仲有d唔慣就係覺得時間少咗,因為車程遠咗,每日都比以前早起,連帶寫blog嘅動力都冇埋,其實心裡都成日想寫返,只不過真係冇時間(定係冇精神呢?)
發覺新屋進度還未寫完,但已經住咗半年,呢段時間有時會想起舊居,由其諗起第二日要早起返工嘅時候,因為以前住市區,車程短d,瞓多半個鐘真係好好多,仲有以前樓下嘅腸粉同銀菊露,而家冇得成日食就好掛住
其實除咗呢兩樣之外,其他嘅轉變我都覺得o.k,雖然我同國皇係由大屋搬細屋,仲要尺數比以前真係細一倍有多,但生活上又唔覺得差咗喎~
舊居時房內有梳妝台,諗起梳妝台記得第一次有河童家,我就最想擁有梳妝台,上面擺哂我至愛嘅妝物同護膚品,好開心~而家屋細容納唔倒喇!起初設計新屋時呢個亦係我最頭痛之一嘅事,咁多化妝品同護膚品點算好呢!?哈哈!最後都比我安排倒一個幾好嘅位置(暫時都係啦~)