close
又一年了
今年跟5週年時一樣,懷孕中渡過
正日這一天好忙碌,因為整個上午去完廣華產檢後,接著去私家照超聲波
喺私家仲第一次照4D,其實薑爸同我覺得有冇4D照都冇所謂,反正出世時都見面,不過原來包埋就更好
做哂產檢後,我哋就出發第一個尋食之紀念日目的地
之前公司同事買過灣仔有間牛雜好好味,就帶薑爸試試,一碗其實唔多,都要$60,不過真係幾好食
食完行吓條玩具街,好似花園街咁
第二站就坐叮叮落銅鑼灣一蘭拉麵我同薑爸講,都唔知幾耐冇坐過叮叮喇~
薑爸一直話要去一蘭,我諗佢好掛住大阪時食過嘅味道,哈哈~
去到有廿個人排隊啦!好彩比想中少,排咗15-20mins就有位
店內跟大阪間差不多,自助比錢變有收銀處
味道我哋都覺得基本上同日本一樣,湯底好好味,送餐店員都講日文,感覺保留倒日本風格,希望可以一直保持落去
食完就行吓街,從冇喺銅鑼灣返工後,真係冇再出黎行街
薑爸話要行吓宜家傢俬,行完又食我哋至愛熱狗,yummy yummy!!
最後行埋times square,因為我要睇new balance,可惜薑款冇佢size
同埋影吓聖誕裝飾,不過都唔靚嘅
行完都入黑了,就坐車返市中心吉吉島睇x'mas裝飾,薑爸話今年佈置聖誕樹喎!但我怕兩隻貓囡攪破壞
買完裝飾,薑爸又話要去睇玩具琴比薑
上次薑喺爺爺家玩琴玩得好開心,所以都想買個比佢玩吓
不過最後都冇我哋心目中嘅木琴,反而買咗一款德國牌子嘅木片琴玩具,希望薑會玩啦!
行到夜晚9點終於食埋飯回家
薑爸形容今日我哋似追行程,咁又真係好豐富嘅^^
開心一天又過去~
全站熱搜
留言列表