薑家小窩窩

起初計劃行程時冇諗過要玩和服,亦唔知有這樣的一個玩意

上討論區搵資料時發現有很多人去玩,才知道去京都怎能不體驗一下穿和服呢!

市內附近應該都有不少和服體驗店,而我就選擇岡本呢間,佢有本店同清水寺店

http://www.okamoto-kimono.com/index.html

清水寺店貪其方便行程,換好衫就可徒步往清水寺

位置其實唔難搵,但嗰朝因遲到,所以由京都車站坐的士去,5mins車程,但個的士司機好似唔識路咁,不停要睇地圖(汗..........)

11:30a.m到達,去到門口同佢講返自己個名就得

薑爸就喺出面坐吓同周圍影吓相咁

放低隨身物品,入一間房仔揀衫,服務員同我講S size得一個架,如果真係唔啱心水,揀其餘M,L個架嗰D都得

當然S size真係冇咩款可揀,大部份D色都好沉,都係睇M,L,不過心水顏色真係唔多(我喜歡大紅,粉色系)

因為D款係一幅幅布咁掛起,所以初頭都唔知著上身襯唔襯,服務員見我揀得頭痛,就主動過黎教你點擺上身睇得清楚D

最後我就揀咗套粉紫大花花款,揀完主服仲要揀內搭衣,腰帶,手袋,腰帶飾物

所有東東揀好後服務員就帶我上二樓換衫,換前會同你講去咗洗手間先,因著咗和服後去會困難D

一間房入面大概有4-5個人同時換衫,感覺還好,佢哋打開件衫都好大塊布,所以都唔會睇到其他人

經過一論左搭右搭後,大約20mins倒完成,腰間雖然緊緊的,但感覺不太辛苦

換好衫,就去另一間房set 頭,自己唔係短流海,造型師問我喜歡前面兩邊頭髮放下(我見好多日本女仔都係咁),但我唔鍾意前面有嘢遮遮掩掩,就叫佢幫我固定喺耳後

真係好快手,15mins攪掂,set 好自己再揀埋頭飾就大功告成

我的和服造型出爐喇!

自己覺得整體都好滿意,唯一係揀唔倒靚D嘅手袋,靚嗰D比人揀哂

為咗今次嘅和服體驗,妝容上我都比多咗D心機,出發前買了濃黑eyeliner,同假眼睫毛

Kiss me liquid eyeliner--真的超濃黑,又不褪色,持久

公主李假睫毛--想試好耐,但一直冇機會冇場合需要用,帶後真係超自然,讚讚讚

仲有要塗埋指甲油啦!!(發覺自己對呢件事好認真O~~)

一切準備好,靚靚咁出發喇!